تحریک انصاف کے رہنما اور وزیر اطلاعات و نشریات فواد چوہدری کا کہنا ہے کہ اللہ کی شان ہے مریم نواز کرپشن اور کک بیکس پر بیان دے رہی ہیں، ان کو عمران خان کی ذات پر کچھ نہیں ملا تو فرح خان ڈھونڈ لی۔
فواد چوہدری نے کہا ہے کہ مریم نواز فرح کے بارے میں اپنے اس ایم پی اے (اقبال گجر) سے پوچھیں جن کی وہ بہو ہیں۔ پھر یہ بھی بتائی کہ آپ 3,4سال سے الیکشن کا انتظار کر رہی تھیں کہ الیکشن آئیں گے تو آپ الزامات لگائیں گی۔
فواد چوہدری نے اپنی ٹوئٹر پیغام میں یہ بھی کہا کہ آخری یہ کہ عدالتیں اور ادارے دونوں موجود ہیں شکایت دائر کریں ہم ساتھ ہیں۔ ہوٹل میں ایم پی ایز کا اجلاس بلا کر حمزہ شہباز کو علامتی وزیر اعلیٰ منتخب کرنے کے معاملے پر بھی فواد چوہدری نے انہیں آڑے ہاتھوں لیا۔
فواد چوہدری نے کہا "اسی ہوٹل میں دو اجلاس کریں، ایک میں مولانا فضل الرحمان کو صدر اور دوسرے میں اپنے سیکیورٹی گارڈزکی میٹنگ کر کے کیپٹن صفدر کو چیف بنا لیں، سارے عہدے جب ایسے ہی بٹنے ہیں تو صفدر صاحب کیوں محروم رہیں۔"
