الیکشن کمیشن نے انتخابی ضابطہ اخلاق کی خلاف ورزی پر وزیراعظم، گورنر، وزیراعلیٰ اور وفاقی وزراء کو نوٹس جاری کردیا۔
تفصیلات کے مطابق وزیراعظم نے وفاقی وزراء کے ہمراہ ضلع دیر میں بڑے جلسہ عام سے خطاب کیا۔ الیکشن کمیشن نے انتخابی ضابطہ اخلاق کی خلاف ورزی پر وزیراعظم، گورنر، وزیراعلیٰ اور وفاقی وزراء کو نوٹس جاری کردیا ، نوٹس ڈسٹرکٹ مانیٹرنگ آفیسر کی جانب سےجاری کیاگیا ہے۔ الیکشن کمیشن نے اس حوالے سے 14 مارچ کو جواب طلب کرلیا ہے۔
الیکشن کمیشن کی جانب سے گورنر، وزیراعلیٰ خیبرپختونخوا، اسپیکر قومی اسمبلی اسدقیصر، وزیرخارجہ شاہ محمود، مرادسعید، وفاقی وزیر پرویزخٹک اور صوبائی وزیر انور زیب کوبھی نوٹس جاری کیے گئے ہیں۔
واضح رہے کہ الیکشن کمیشن آف پاکستان نے وزیراعظم عمران خان کو دیر کا دورہ کرنےسےمنع کیاتھا لیکن ہدایت کے باوجود وزیراعظم نے دیر میں جلسے سے خطاب کیا ۔ خیبرپختونخوا میں بلدیاتی انتخابات کا دوسرا مرحلہ31مارچ کوشیڈول ہے۔
