یورپ میں یو ایس بی ٹائپ سی چارجنگ پورٹس ہی استعمال ہوں گی۔
موبائل فون ہوں یا ٹیبلیٹ یا پھر کیمرے، تمام دیگر الیکٹرانک آئٹمز کے چارجر ایک جیسے ہونگیں، یورپ میں صرف یو ایس بی ٹائپ سی چارجنگ پورٹس کام کریں گی،تمام فونز کیلیے ایک چارجر پر یورپی یونین متفق ہوگئی۔
ایپل کو بھی آئی فون کی چارجنگ کیلئے پورٹ دو سال میں تبدیل کرنا ہوگا، رپورٹ کے مطابق ٹیکنالوجی کمپنی ایپل کو 2024 تک یورپ میں فروخت ہونے والے آئی فونز کے کنیکٹر کو تبدیل کرنا پڑے گا یورپی یونین نے اتفاق کرلیا۔
یورپی کمیشن کا کہنا ہے کہ اس سے صارفین کے لیے آسانیاں پیدا ہوں گی اور ان کے پیسوں کی بچت ہوگی، آئی فون اور اینڈرائیڈ صارفین کو شکایات تھیں کہ انہیں اپنی ڈیوائسز چارج کرنے کے لیے مختلف چارجرز استعمال کرنے کے باعث مشکلات کا سامنا ہے۔
آئی فونز کو ایک لائٹنگ کیبل کے ذریعے چارج کیا جاتا ہے جب کہ اینڈرائیڈ ڈیوائسز کو چارج کرنے کے لیے یو ایس بی کنیکٹر استعمال کیے جاتے ہیں۔
یورپی رکن ملکوں میں چارجنگ کیلئے یو ایس بی ٹائپ سی چارجر استعمال کرنے کی پابندی ہو گی۔ جو 2024 کے آخر تک لازمی قرار دی دیا جائے گا۔ تاہم ایپل نے مجوزہ قانون کو ‘غیر ضروری‘ کہہ کر اس کی مخالفت کی ہے۔ لیکن رکن ممالک نے اس مسودہ قانون پر اتفاق کر لیا ہے۔
یورپی پارلیمان کی بلغاریہ سے تعلق رکھنے والے رکن کا کہنا ہے کہ نیا قانون یورپی صارفین کی زندگیوں کو آسان بنائےگا اور یہ ماحول کے لیے بھی بہتر ہو گا۔
یورپی یونین کے رکن ممالک کے درمیان طے پانے والا یہ اپنی نوعیت کا پہلا معاہدہ ہے۔ اس سے قبل فون ساز کمپناں اپنے طور پر یوپی یونینکسی مشترکہ حل کی تلاش میں ناکام ہو چکی ہیں۔
