ٹی 20ورلڈکپ میں پاکستان کی بھارت کے خلاف تاریخی فتح پر شائقین کی جانب سے مختلف میمز شیئر کی جارہی ہیں۔آئی سی سی ٹی ٹوئنٹی ورلڈ کپ کے میچ میں پاکستان نے بھارت کو دس وکٹوں سے عبرتناک شکست دی جو بھارت کے وہم وگمان میں بھی نہیں تھی۔
میچ سے قبل بھارتی پاکستان کو ٹرول کرتے رہے کہ ایک ٹی وی اور خرید لو توڑنے کے کام آئے گا لیکن پاکستان نے بغیر کوئی وکٹ گنوائے میچ جیت لیا جس پر ٹوئٹر پر صارفین کی جانب سے میمز شیئر کی جارہی ہیں اور اپنے جذبات کا اظہار کیا جارہا ہے اور بھارتیوں کو خوب ٹرول کیا جارہا ہے۔
ایک سوشل میڈیا صارف نے مودی کی ویڈیو شئیر کی جس میں وہ کسی کو کال کرکے کہہ رہے ہیں کہ آپ لوگ رونا بند کریں، میرے تک آواز آرہی ہے۔
صحافی سمیرا خان نے اقرارالحسن تصویر کیساتھ کوہلی کی تصویر لگاکر طنز کیا اور سوال کیا کہ کتنے آدمی تھے؟
ایک سوشل میڈیا صارف نے ویرات کوہلی کو ابھی نندن بناکر پیش کیا۔
بالی وڈ اداکار اکشے کمار بھی میچ کے دوران دبئی کے اسٹیڈیم میں موجود تھے، اسی حوالے سے ایک صارف نے ٹوئٹ کی جس میں اکشے کمار کو دکھا یا گیا ہے، اکشے کمار ایک تصویر میں خوش دکھائی دے رہیں اور میچ کے بعد نتائج کے حوالے سے ان کی روتے ہوئے تصویر دکھائی گئی ہے۔
ارم زعیم نے بھارتی کپتان ویرات کوہلی کی تصویر ٹوئٹ کی ہے جس میں وہ گراؤنڈ میں الٹا لیٹے ہوئے ہیں اور ساتھ میں ان کی اہلیہ اور بالی وڈ اداکارہ انوشکا شرما غمزدہ حالت میں بیٹھی ہوئی ہیں۔
ایک صارف نے بھارتی اداکار ریتھک روشن کی فلم کا سین شیئر کیا ہے جس میں وہ غمزدہ حالت میں بیٹھے رو رہے ہیں۔
ایک سوشل میڈیا صارف نے دلچسپ ویڈیو شئیر کی اور سوال کیا کہ اب بتاؤ ابو کون ہے؟
اظہر مشوانی نے ایک میمز شئیر کی جس میں لکھا تھا کہ انڈیا کو شاید نہیں پتہ کہ پاکستان میں آج کل 1100/1100کا سیزن چل رہا ہے۔
دیگر سوشل میڈیا صارفین نے بھی دلچسپ میمز بناکر بھارتیوں کو خوب ٹرول کیا۔