چھوٹے بچے کی کمال مہارت،محمد رضوان بھی فین ہوگئے،خوب تعریفیں کی

2rizwankhaka.jpg

پاکستان کے اوپنر بلے باز اور وکٹ کیپر محمد رضوان نے ٹی 20 ورلڈکپ میں بہترین کارکردگی دکھائی تو ان سے متاثر ہو کر کمسن بچے نے ان کا خاکہ بنایا جسے خود قومی کرکٹر کی جانب سے شیئر کیا گیا۔

تفصیلات کے مطابق گلگت بلتستان سے تعلق رکھنے والے کمسن بچے نے محمد رضوان کا ہاتھ سے خاکہ تیار کیا جس میں وہ مداحوں کی جانب دیکھ کر ہاتھ ہلا رہے ہیں۔

FEUmx2PWUAcnVoo


مزکورہ خاکہ اتنی خوبصورتی سے بنایا گیا ہے کہ رضوان نے اسے شیئر کرتے ہوئے لکھا کہ فرحان علی یہ ناقابلِ یقین ہے، آپ کی اس محبت اور سپورٹ کا بے حد شکریہ۔ آپ گلگت بلتستان کا فخر ہیں۔ میرا مکمل یقین ہے کہ بچے ہی ہمارے ملک کا اصل اثاثہ ہیں، بچے پاکستان کو مضبوط بنائیں گے، جس کام سے آپ کو محبت ہے اس کو جاری رکھیں۔


قومی بلے باز کا یہ خاکہ سوشل میڈیا کے کئی پیجز پر وائرل ہو رہا ہے جس پر صارفین نوعمر لڑکے کی اس کاوش اور کرکٹر سے محبت کو سراہ رہے ہیں جب کہ اسے اپنے اس فن کو جاری رکھنے کی بھی تلقین کر رہے ہیں۔
 
Advertisement
Sponsored Link